Kush mund të jetë një kandidat/e për t’u lidhur?

Kush mund të jetë një kandidat për t’u lidhur?

• Nuk mjafton vetëm të jetë i krishterë ose të thotë se jam ndjekës i Jezusit. Ka shumë ndjekës të Jezusit të cilët nuk e kanë përparësi zemrën e Jezusit për njerëzit dhe për botën, por kanë përparësi interesat e tyra të ngushta të momentit.
• Prandaj nuk mjafton që dikush të thotë “unë jam besimtar i krishterë si ti” prandaj dua të njihemi më mirë me qëllim për t’u lidhur në fejesë/martesë në të ardhmen.

Si mund të shqyrtosh kandidatët?

Le të flasim për ca hapa praktikë. Si ta ruajmë zemrën të pastër përpara Zotit?

Ca sygjerime praktike do të ishin: Të mund të kultivojmë një marrëdhënie personale me Zotin përmes leximit të Biblës, lutjes, miqësisë me besimtarë të tjerë. A i beson Zotit sepse ke gjetur shpresë dhe strehë tek Ai?

Të njëjtin kriter duhet ta kërkosh dhe te kandidati i mundshëm. A e do Ai Zotin? A e njeh mirë të vërtetën e Perëndisë? A ka interesin e Zotit në mendje? Si duket kjo në jetën e tij?

Nuk po themi se ata që nuk i besojnë Jezusit nuk janë njerëz të mirë, por natyrshëm zemra e tyre nuk ka përparësitë e një ndjekësi të Jezusit.

Por gjithashtu po themi se dhe ndjekësit e Jezusit nuk duhet të jenë ndjekës me fjalë por gjithashtu me vepra. Zemra e tyre për Zotin duhet të duket në praktikë.

Pasazhet e mëposhtme nuk flasin për një marëdhënie mes dy njerëzve, por e theksojnë qartë se njerëz të cilët kanë përparësi të kundërta në jetën e tyre nuk qëndrojnë shumë lehtë bashkë. Madje mund të shkatërrojnë jetët e njëri tjetrit.

“Mos hyni në një zgjedhë bashkë me të pabesët, sepse ç’lidhje ka drejtësia me paudhësinë? Dhe çfarë afrie ka drita me terrin? ¹⁵ Dhe ç’harmoni ka Krishti me Belialin? Ose ç’pjesë ka besimtari me jobesimtarin? ¹⁶ Dhe çfarë marrëveshje ka tempulli i Perëndisë me idhujt? Sepse ju jeni tempulli i Perëndisë së gjallë, sikurse tha Perëndia: “Unë do të banoj në mes tyre, dhe do të ec ndër ta; do të jem Perëndia i tyre dhe ata do të jenë populli im.” 2 Korintasve 6:14-16

“Mos u gënjeni; shoqëritë e këqija prishin zakonet e mira.” 1 Korintasve 15:33.